Nýr SsangYong Rexton, sigurvegari jeppanna.
SsangYong REXTON er jeppi ársins!
Mikil eftirvænting ríkti þegar eitt virtasta fagrit bílamarkaðarins, 4×4 Magazine, tilkynnti sigurvegarann í flokki fjórhjóladrifinna jeppa í valinu um bíl ársins.
Samkeppnin í þessum flokki hefur aldrei verið jafn hörð og margir voru tilnefndir, m.a. Toyota Land Cruiser, Mercedes Benz G-Class, Mitsubishi Pajero, Jeep Wrangler og Skoda Kodiaq.
Niðurstaða dómnefndar, sem skipuð var bílagagnrýnendum hvaðanæva að úr Evrópu var hinsvegar skýr; SsangYong Rexton skarar framúr með hæstu einkunn bæði sem besti jeppinn og bestu kaupin, og hlaut því titilinn 4×4 Jeppi ársins.
Nú bjóðum við þér að kynnast Rexton, nýja 7 manna lúxusjeppanum frá SsangYong.
Hugsanlega velur þú hann líka sem bíl ársins fyrir þig.
Sjö sæti – má bjóða þér eitt?
Ekkert var til sparað við hönnun SsangYong Rexton, enda markmiðið að búa til besta bílinn í sínum flokki. Og það tókst! Nýr Rexton er öruggari, rúmbetri og fallegri en nokkru sinni fyrr.
Einstaklega vel heppnuð innrétting tryggir að allir farþegar njóta ferðalagsins hvar sem þeir sitja. Sætin eru 7 og í leðurútgáfu bílsins eru þau öll klædd mjúku Nappa-leðri sem fæst í mismunandi litum. Hiti er í tveimur fremri sætaröðum, en fremstu sætin eru jafnframt búin loftkælingu.
„Klárlega sigurvegari í sínum flokki.“
The Guardian
„Sópar samkeppninni til hliðar“
Automotive World
„Hörku samkeppni – Rexton sigraði“
4×4 Magazine
„Yfirdrifið pláss er fyrir ökumann og farþega og yfirbragðið og efnisval innandyra allt eins og í mun dýrara farartæki“
Morgunblaðið
„…það sem kom mest á óvart var lítið veghljóð inni í bílnum á 90 km hraða.“
Bændablaðið
„Nýi Rexton jeppinn er stórt skref fram á við fyrir SsangYong. Falleg hönnun, þéttur og þægilegur í akstri og mikill togkraftur. Bíllinn getur tekist á við ófærur sem tvisvar sinnum dýrari jeppar frá þekktum framleiðendum myndu stöðva við.“
Automotive Blog UK
Kraftmikill, lipur og klár
Með mikilli dráttar- og drifgetu ásamt fallegri hönnun bæði að utan og innan sameinar SsangYong Rexton kosti vinnuþjarksins og borgarbílsins betur en nokkur annar. Hvort sem skjótast þarf milli vinnu og skóla í dagsins önn eða út fyrir bæinn með stærstu gerð af kerru í eftirdragi leysir Rexton verkefnið af öryggi. Þú getur hvenær sem er skipt úr afturhjóladrifi yfir í fjórhjóladrif, hvort sem er hátt eða lágt, eftir aðstæðum. Með öflugri en sparneytinni diesel vél og sjálfskiptingu frá Mercedez Bens er dráttargetan heil þrjú tonn, sú mesta í þessum flokki jeppa.
Sterkur og öruggur
Rexton er einn fárra jeppa í dag sem byggður er á grind, með læstum millikassa og lágu drifi. Hann er hlaðinn vandaðasta tæknibúnaði og þægindum sem láta mun dýrari jeppa blikna í samanburði. „Quad Frame“ grindin minnkar hljóð bæði frá vegi og vélarrúmi. Hún er hönnuð með það í huga að auka öryggi farþega við árekstur.
Fjórar myndavélar á bílnum gera ökumanni auðveldara að athafna sig hvort sem verið er að leggja bílnum í stæði eða bakka kerru að sumarbústaðnum. Hliðarspeglar aðlaga sig sjálfkrafa að breyttri akstursstefnu ef bíllinn er settur í bakkgír, til að bæta enn frekar útsýni ökumanns. Níu loftpúðar og ytra byrði sem búið er sérstaklega hertu stáli hámarkar öryggi bæði ökumanns og farþega.
„5 stjörnur af 5 mögulegum. Hvernig kæmi nokkuð annað til greina? Á tiltölulega stuttum akstri varð ég yfir mig hrifinn af hve góður bíllinn er og hversu gríðarlegar framfarir hafa orðið í hönnun og gæðum hjá SsangYong. Um leið og maður opnar dyrnar gerbreytir Rexton þeirri ímynd sem maður hafði af SsangYong. Eftir meira en 25 ár í þessu starfi er ennþá eitthvað sem kemur manni á óvart. Meira svona!“
The Sentinel
„SsangYong hefur bætt Rexton jeppann að því marki að hann kemur skemmtilega á óvart, sérstaklega þegar komið er inn í bílinn. Bíllinn skorar einnig hátt þegar kemur að staðalbúnaði, ekki síst öryggisbúnaði.“
The Car Expert
„Það kemur skemmtilega á óvart hversu góður nýji Rexton jeppinn er. Samspilið af búnaði, hönnun, notagildi og framleiðslugæðum er ekkert annað en magnað; og væri það jafnvel þótt hann kostaði tvisvar til þrisvar sinnum meira. Samkeppnin um titilinn 4×4 Jeppi ársins var harðari í ár en nokkru sinni fyrr, og það segir sitt að Rexton hafi unnið þann titil.“
4×4 Magazine
Myndagallerý
