KGM Rexton, sigurvegari jeppanna.
REXTON – Jeppi fyrir kröfuharða
Rexton er stór og fjölhæfur fjórhjóladrifinn jeppi sem uppfyllir fjölbreyttar þarfir nútíma ökumannsins. Rúmgóður, kraftmikill og vel búinn jeppi sem er byggður á grind með háu og lágu drifi. Hann er óhræddur við breytingar og er hægt að umbreyta fyrir allt að 37″ dekk. KGM Rexton skarar fram úr í sínum flokki og hefur hlotið hæstu einkunn, bæði sem besti jeppinn og bestu kaupin.
Komdu og reynsluaktu Rexton og sjáðu af hverju hann var valinn 4×4 bíll ársins og bestu kaupin.
Sjö sæti – má bjóða þér eitt?
Ekkert var til sparað við hönnun KGM Rexton, enda markmiðið að búa til besta bílinn í sínum flokki. Og það tókst! Rexton er öruggari, rúmbetri og fallegri en nokkru sinni fyrr.
Einstaklega vel heppnuð innrétting tryggir að allir farþegar njóta ferðalagsins hvar sem þeir sitja. Sætin eru 7 og í leðurútgáfu bílsins eru þau öll klædd mjúku Nappa-leðri sem fæst í mismunandi litum. Hiti er í tveimur fremri sætaröðum, en fremstu sætin eru jafnframt búin loftkælingu.
Kraftmikill, lipur og klár
Með mikilli dráttar- og drifgetu ásamt fallegri hönnun bæði að utan og innan sameinar KGM Rexton kosti vinnuþjarksins og borgarbílsins betur en nokkur annar. Hvort sem skjótast þarf milli vinnu og skóla í dagsins önn eða út fyrir bæinn með stærstu gerð af kerru í eftirdragi leysir Rexton verkefnið af öryggi. Þú getur hvenær sem er skipt úr afturhjóladrifi yfir í fjórhjóladrif, hvort sem er hátt eða lágt, eftir aðstæðum. Með öflugri en sparneytinni diesel vél og sjálfskiptingu er dráttargetan heil þrjú og hálft tonn.
Sterkur og öruggur
Rexton er einn fárra jeppa í dag sem byggður er á grind, með læstum millikassa og lágu drifi. Hann er hlaðinn vandaðasta tæknibúnaði og þægindum sem láta mun dýrari jeppa blikna í samanburði. „Quad Frame“ grindin minnkar hljóð bæði frá vegi og vélarrúmi. Hún er hönnuð með það í huga að auka öryggi farþega við árekstur.
Fjórar myndavélar á bílnum gera ökumanni auðveldara að athafna sig hvort sem verið er að leggja bílnum í stæði eða bakka kerru að sumarbústaðnum. Hliðarspeglar aðlaga sig sjálfkrafa að breyttri akstursstefnu ef bíllinn er settur í bakkgír, til að bæta enn frekar útsýni ökumanns. Níu loftpúðar og ytra byrði sem búið er sérstaklega hertu stáli hámarkar öryggi bæði ökumanns og farþega.
Óhræddur við breytingar
Rexton er byggður á grind með háu og láug drifi og læsanlegum millikassa. Eftirfarandi breytingapakkar er í boði fyrir Rexton:
- 32″ upphækun með dekkjum. Verð 590.000 kr
- 33″ upphækun með dekkjum. Verð 689.000 kr.
- 35″ upphækun með dekkjum. Nánari upplýsingar hjá söluráðgjöfum
- 35″ upphækun með dekkjum. Nánari upplýsingar hjá söluráðgjöfum
Hann er því tilvalinn ferðafélagi þegar þarf að ferðast í krefjandi aðstæðum.